| John 的个人资料津少生活记照片日志列表 |  工具  帮助 |
|
9月30日 national day因为没安排课，国庆长假提前一日从今日开始。既然如此放假第一件事当然就系训翻个懒觉先啦~~
由于屋企人群起攻击我话我上学期变大花洒净识使钱，所以今个假期决定痛改前非改邪归正弃暗投明稳翻份工打下。以前唔想稳时就觉得周街都有招part-time既，但等我今次想稳了先发觉原来已经唔多了。一来女生比男生吃香，二来商家都精晒，知道放假学生资源多，将个价钱压到简直残忍过旧社会剥削压迫劳苦大众，仲要打住“志愿者”，“实习”既旗号，干脆就要你想炸型都没理由。记忆中前两年工资都仲好高下噶。哎，呢个故事又教育到我地，时不可失，鸡不再来啊……
至于我自己，净稳到份漂移赛“志愿者”既工，得10月2号3号两日，日薪得50鸡，头尾要将近10个钟。只不过寻日去培训时讲明工作几轻松。我既工作系自己主动争取翻来，做香港车队既“翻译”，可以近距离接触部据称价值2，3百万既车。希望没边部车drifting时飞样野出来打中我啦，虽然我RP值比较低 9月26日 interview呢两日真系做到头都大，面试招新今晚开始，用左好多心机，好多时间去准备仲要自己贴好多金钱落去“收买”班得力部下，你话都甘老了，博么呢？
不过我依然好认真好投入。一来未做过，我中意呢种掌握人“生死”既feel；二来我知道所谓主席团班野唔点睇得我起，嫌我老，所以我更加要证明我自己系得既，虽然我依然好想向老袁say sorry，话我唔想捞落去了。但无论如何，我坚信自己有呢个能力去做好。所以呢几日没心机听课我都唔care了。经我手既唔会有次货！
今晚见到好多形形色色既人，就差在没外国人了。每个人都有好special既地方，而且 确实山外有山人外有人，见到大一大二d师弟师妹甘强，我想唔“汗”都唔得……只面左一晚就有七八个人入左我地既法眼了，果真甘强？ 9月22日 what's my aim?my aim is to be a great doctor,治病救人。不过发现自己似乎已经好难做到一个“great doctor”了。除左混，what can I do now？连自己一直都以为好掂既英文梦都逐点逐点被击破……
P.S.上星期医学院同乡会，原本应该没我大四老人家份既，不过师弟畀面一定要我去（其实系去畀钱遮），发现今年口腔有个师妹广州人，六中既。总算广州人系医学院又续翻起身，仲几靓女添喔~~~ 9月19日 焦头烂额啊开学，意味住好多好多事情都要从头开始。学生会，第一次做领导，竟然原来比中学工作重好多，都唔似想象中甘得意好玩，游刃有余？想下好啦！又咩学期预算计划，又招新见面会PPT，大佬阿，我几时年没做过啦，有好多同以前都唔同晒，真系赶喉赶命。所以主席团花部长个位要公开竞聘，我直头偷笑啊。武协边又无啦啦俾顶副会长既帽戴，实在受之有愧，其实自己放假时甚至想过要退出了，但，唉……
已经唔记得有几耐没训过中午觉了，我好命苦啊…… 9月11日 开学第一日歌曲：寂寞的季节
风吹落最后一片叶
我的心也飘着雪 爱只能往回忆里堆叠 oh~给下个季节 忽然间树梢冒花蕊 我怎么会都没有感觉 oh~整条街都是恋爱的人 我独自走在暖风的夜 多想要向过去告别 当季节不停更迭 oh~ 却还是少一点坚决 在这寂寞的季节 艳阳高照在那海边 爱情盛开的世界 远远看著热闹一切 oh~我记得那狂烈 窗外是快枯黄的叶 感伤在心中有一些 oh~ 我了解那些爱过的人 心是如何慢慢在凋谢 多想要向过去告别 当季节不停更迭 oh~ 却永远少一点坚决 在这寂寞的季节 又走过风吹的冷冽 最后一盏灯熄灭 从回忆我慢慢穿越 在这寂寞的季节 还是寂寞的季节 一样寂寞的季节 翻来三日，上海真系冻，应该都没得翻转头了。系广州着短袖衣裤上车，翻到来既风已经吹到人动容。
今日开学，依旧又系课堂上“假寐”。已经成为习惯了，无论之前果晚几点训，当天既课重唔重要，没得变了。呢两日西学校行，发觉迎面而来既全部都变成新面孔，好多熟悉唔熟悉既旧面孔都已经唔见晒了。于是乎忽然醒起自己已经可以归类为学校最老既一辈果部分了，青山依旧在...
翻到来大学校园就肯定见到一对对既拖友，而今年似乎又特别多，一眼望过去，无论高矮肥瘦，反正“一个萝卜一个坑”，冤猪头有纹鼻菩萨，成街都系一pair pair既。于是好自然地想起呢首歌。个人觉得歌词写得特别靓，好有意境。有七八十年代D歌词既感觉。个人好中意 9月10日 back to SH似乎没么改变，又似乎好多事情都唔同左。一翻来又送左个兄弟走了。虽然东方只不过系去嘉定，不过始终唔可以好似以前甘时时见面，有事没事都可以稳下距笨。对武协亦都失去左好多热情。唯一唔变既可能就系班同学依然甘贪玩，我亦都熬到甘夜。 9月4日 最后几日今日已经星期一了，星期四下午考桩，星期五下午又要赶火车离开广州了。
不知不觉又甘样混过左呢个两个半月漫长既暑假，睇来亦都好可能系我最后一个可以舒舒服服过既暑假了。明年应该就要入住两旧水一年既民工房，去医院实习了。期待，但亦都唔愿意。不过都没计啦，人要大噶嘛。
今个假期最开心都可以算系凑我个外甥女了，呢个一两个月大既BB真系带左好多开心来我屋企。习惯左每日要morning kiss,good-bye kiss,hello kiss,good-night kiss,同其他毫无名目，突然袭击既kiss ：）
寻日同部分而家系广州既同济校友饮下午茶，提前坐去于是无所事事上左采血车无偿献血。数翻起身都已经有三年几没捐过血了，经常话稳翻本献血证再去，其实只不过系一种借口。于是寻日落定决心去左捐第二次。上到去见到全部都系情侣两个拖住来，得我系一支功好傻地坐系度。原本考虑到我对大近视眼，只想献200cc，点知个护士好热情地讲：“先生，你体重够标准了，不如捐够400cc啦。”唔通我仲say no咩。见到自己死命“掬”只手个血包都纹丝不动，都担心自己会唔会顶唔顺，好在都叫做咩事都没，不过今日又有少少感冒了。400cc，将近有成支“流线型”甘多，拿命……献完血唯一一样礼物系一张内有10蚊大元既羊城通（听讲而已，未check过），背面系血站既宣传画，算一张特制卡咯。虽然物质回报可以归零，不过本人觉得更加有意义，更加“义务”，而唔似中学，大学时组织献血，大事张扬，仲要有现钱回报。最唔愤系当时同学D“买血钱”仲要俾学校剥削，可恨！！！所以我情愿系街头，不求什么回报。想器自己既血好可能已经系有需要既人身上流紧就觉得自己做既事情好有意义：）
另外一件不得不提既事，寻日"bap"手指既护士技术实在太高超了，成世人第一次完全没痛觉就搞掂左了，顶礼膜拜啊~~
呢篇好可能系今年系广州最后一篇了，又要翻去了…… 9月2日 热断断续续写space都有大半年了，依然坚持到已经好奇迹，所以唔再介意自己之前又再次将想写既野忘记左。又快要走了，但做钟摆运动做得多都已经唔再感到有乜好多既不舍了。人，已经麻木了。翻到去又要变脸了。
stone man |
|
|
