| John 的个人资料津少生活记照片日志列表 |  工具  帮助 |
|
8月12日 忐忑星期五系忐忑同中不舍中终于叫做搬左入医院。我呢个人就系容易“日旧生情”。
搬屋时觉得自己系宋钢，当然系码头做苦力果个啦。至于李光头？除左厚颜无耻之外都没咩可以拍得上距咯。唔系都唔使做到自己身水身汗啦。四个人住四张辘架床，床板都断作N段既上铺只能用作放杂物用了。窗口正对车来车往既马路，楼下就系120急救中心分驻点，日日救护车鸣笛没素质既司机乱响喇叭，实在好难顶。分分钟精神衰弱。其他仲有好多事要适应。例如走左先识怀念学校饭堂，平靓正。而家？贵就算了，实在难以下咽……又例如而家男女生宿舍只系上下一层楼，呢个时候既热天时时都要提防有女生“突然袭击”，身上既布唔可以太少，否则有被视为耍流氓既危险……又又例如个烂鬼宿舍网线没，甘就算啦，竟然连电话都没，要打电话就要去楼梯口全层公用既一个，到而家为止我连个电话既号码都未知……
搬到第一日就见到5年制既人抱住枕头被铺去科室值夜班。我就绝对唔会甘麻烦。睇黎高中时用黎中午训觉用既抱枕又有用武之地了。可惜我没甘未卜先知啦，如果唔系就将高中用果个带翻上海了。睇黎有行街既理由了~~
原本胸怀一腔热情要有一番作为，点知星期六日第一件事就系俾人拉壮丁去根本听唔明既讲座凑人数，搞到原本约左石灵都要爽约，么热情都没晒啦。头两个星期去影象，只知无聊。听以前班D人讲得顺手牵羊讲得甘爽，影象科有咩有用野呢？X光胶卷？
对未来一年充满期待，又充满无奈…… 8月4日 荡暑假？放暑假
和电脑拒不见面，
躲开行动电话的日夜纠缠。
遣散压力，让野心失业，
和所有人按下OFF，消失一阵子。
一天不努力，也没什么大不了。
脱下书包，领带，人情，
高跟鞋，业绩，难看的气色，
和食不知味的朝九晚五。
和法国人那样，花三个小时喝个下午茶，
向时间偷一点生命回来，
不跟地球一样忙着自转。
在加长的日光下找到自己的TEMPO。
同D两个系成都既街头随意乱逛， 唔行景点，唔赶节目，轻松悠闲地系成都呢个大城市入边混厄。睇下各个青年旅舍，试试街边名小食。
依然坚持自己即观点，读书不如行路。正如做学问越做越觉得自己无知，出黎旅游越多越发现好多地方自己未去过，发现好多自己想去既地方 |
|
|
