当我手头没工具时会有好多想法，无论大事小事，反正可以想连一星期后食几碗饭都打算好。但每当我手头上有工具时又肯定回乜都唔记得。正如而家既我。。。山长水远来到华农，住表弟宿舍，对住部电脑，what should I do？或者整理翻一个月前既回忆？都算惟一可以叫做有意义既事咯。一部分如下：

6月27号:上午起身时个天阴晴不定，不过为左赶时间我唯有赌一铺，将要干既衫同张毡都晾左出去。可惜我既赌博以失败告终。考试9点到11点，8点半开始就行雷闪电，我想翻去救都唔够时间。果然刚开始考试，个天就好似到屎甘狂落雨，搞到答题既心情都没埋，净挂住张毡。题目好多都未见过，虽然自己都作到d野上去，不过实在没信心，再加上落雨落到我dup晒，于是乎认真做左半个钟，挨左半个钟就提前交卷了。啦啦临执好野，下午1点我就已经系虹桥机场候机了。循例要左个靠窗位，实在太英明了，飞机一路上好好光线，用部canon狂拍唔少。四点几到厦门，没逛过就直接坐长途车去左惠安（泉州市一个县）稳阿挽。等车到站见到阿挽已经夜晚8点几了。可怜我一路只能用罗力思送过我既朱古力顶肚。。。
     28号：一早起身已经好迟下了，所以上午都没出去。阿挽女友莎莎（应该系呢个莎，区别于师姐老沙）带部notebook来，然后大家一齐睇ice age2，好搞野啦当然。下午同阿挽搭车去到崇武古城，系附近比较有名既一个地方，系以前为左抗击倭寇而特登系海边起既一座城。又有一个好靓既海滩。好特别既系个海滩有成半都唔系沙，而系细细粒既鹅卵石。浪扑上岸又退落去时就有好清脆既“咯咯”声，好好听。呢个现象我似乎仲没系其他海滩发现过，所以特登用dc录左段短片。到崇武唔可以唔提惠安女。指既系惠安果边既女人会着一种好有特色既衫。听讲大体就系用丝巾包住个头同颈，再戴一顶竹笠，上身就着一件好“潮”既露脐装，不过只系大概5公分左右；下身就系比较普通既丝质长裤，黑色多。可惜甘既着装已经好难见到，我仔细搜寻过，都系d上年纪既阿姨着，而且唔会好严格，配西裤既都有。夜晚翻到阿挽屋企食完饭莎莎又好似神秘人一样突然出现，同我地好随意地逛左下惠安县城，做晒讲解，好细心一个女仔。样又靓，阿挽识到距实在系福分。
     29号：上午一早同阿挽，莎莎一齐去左泉州市区，阿挽开车，广本奥德赛。到左莎莎就去睇牙，阿挽就带我坐人力三轮车（好得意，同平时见既唔同，成个造型有d似三轮摩托车甘，客座系车身旁边）去个好出名既古寺，叫开元寺。踩车既系个40多岁既阿姨。见到阿姨踩车踩到身水身汗我都觉得好唔好意思，两个大男人加起身将近成百kg，要个阿姨搭。不过稳食艰难，没理由拒绝个阿姨，矛盾……路上发现果度都好多骑楼，纠正左自己一直以来以为得广东呢边有骑楼既认识。其实寺庙就从来都觉得没么好逛，都差唔多啦。不过好搞野，入边两个乞衣竟然以为我系外国人，竟然同我say hello，而家中国果真同世界接轨咯，连乞衣都甘“pro”喔。傍晚同阿挽一家人一齐上左附近一座山，叫科山。上边有一个百狮园，有按全国唔同地方景点门口石狮雕成既石狮，风格有好大差别，好有特色。夜晚阿挽细佬从外地翻屋企，又带挈我同距地屋企人同莎莎去左座有名既桥桥叫洛阳桥既地方食饭，第一次试到一种叫苦螺既螺，入口好苦好难受，不过食完之后就有一种好甘甜凉爽既感觉，好过瘾。