好耐没写过嘢了，timing唔夹。当一个人同屋企人喺埋一齐生活，阿妈煮饭时要打下手，家姐翻工时要帮手凑仔，食完饭要洗碗，夜晚要陪屋企人出去公园逛，喺客厅睇电视，唔再一个人训醒就可以打开电脑，除咗出门去饭堂食饭嘅30min*2之外可以所有时间都花喺电脑面前，时间自然唔够使。

咁巧今日踏入到达加拿大1个月嘅日子，太多感慨，太多兴奋同无奈。见到好多differences，听到好多differences，体验到好多differences。再次徘徊喺人生十字路口。I've tried。当企喺广阔嘅湖边时，觉得好陶醉；但当你喺老麦对住个crew紧张到连个餐都唔识点，唔知人地问你咩，唉……

msn唔知出咩问题，可能喺被盗……。训觉

 

唔知点解好似从细就有咁嘅天性，成日都拖住一班细路。以前帮阿婶带堂妹们，3年前开始就兼职帮肥猫凑我个外甥女，而家到咗到咗加拿大，任务依然喺凑外甥，不过变咗喺肥猪生果只老鼠仔。星期日例行嘅family day，好奇怪地堂姐堂哥d仔女好自然地就会痴埋落我度，要我同佢地玩荡秋千，show佢地嘅手工作品俾我睇，甚至要我同佢地玩摆积木……而隔离比我大几个月嘅堂姐就好“慈祥”地喺隔离作壁上观。

两个家姐打电话，话我“廿几岁仔都未生齐脑榫咁，行为仲好似个初中生”，最后嘅comment就喺“点似有女朋友啊”。

或者就喺因为自己太细路哥脾气，从来都要人地嚟让我，先会搞到而家咁样啦……

原本想将题目写做“初到鬼城”噶，不过想想下到而家为止见到嘅唐人比鬼佬仲要多得多，所以都喺叫做顿多伦多算了。

刚到呢个全新嘅地方两日，一切充满新鲜感。其实住嘅喺喺多伦多嘅东北角，好边远下嘅地方，约等于广州嘅太和，上海嘅吴淞咁夸张，所以其实喺网上搜到好多名胜一个都没去过。

local time Jun29th夜晚11：45飞机landed，办手续、等行李，家姐接我由西南角嘅机场到东北角嘅屋企已经凌晨两点了。对我竟然完全没时差呢个问题，摊落床一样训到死猪咁。第二日一早就醒咗，一大堆亲戚要见。先去饮coffee，再去饮茶当中午饭，逐个亲戚屋企拜访，夜晚一大家人喺三婶屋企聚餐。简直喺寻亲之旅啊。加上路上时不时撞见d咩以前一个生产队嘅啊，d唔知表表表几个表疏到唔知点叫嘅亲戚，果然如老窦所言，唔单只唔使讲English，甚至连广州话都唔使，直接就将尘封十几年嘅乡下话翻出嚟用了。

刚到两日唔到，最深刻嘅印象喺呢度日照时间嘅长度。夜晚9点竟然仲喺天光光，9点半先黑齐，对于中意mess around嘅人嚟讲，简直喺天堂。虽然呢个问题喺中学嘅课本入边就已经知道，但直到而家先有机会亲身体验。第二样事情就喺加拿大，果然好大。三千几万人分布喺一个比中国更大嘅地方，出门见到海鸥松鼠嘅机会仲多过见到人。想下中国咁多人，一千七百万人就逼喺上海豆润咁大嘅地方，真喺可怜……由于地方大，所以好难得会见到高于3层嘅楼，无论喺普通人住嘅house定喺路边嘅商场。甚至连号称北美最大嘅华人室内购物商场--太古广场都只得三五层楼高。大部分嘅商店都喺喺路边，好似一个港湾咁十几家左右围成一个半圆，开车转入去就喺了。所以你可以见到果种好typical嘅take out快餐店，对开车嘅人嚟讲好方便。所以喺呢度可以好舒服地见到一大块云，更大嘅天，而唔会好似喺广州上海香港咁只喺见到支离破碎嘅几个片段，唔会有某人所讲嘅压抑感。

今日正好撞上加拿大国庆，Canada day。但唔似中国会特登将时间逼到一个礼拜，只放一日假。而其相对中国越热闹嘅日子呢度就越喺安静冷清。呢度一般都喺一个礼拜翻6日工，星期日就全部人都放假，包括绝大部分商店甚至邮局。只有打政府工嘅部分人员坚持，对比国*内郁唔郁就出现“天价？？长”，呢d先真正喺“公仆”。唯一例外嘅可能就只有中国人嘅商圈了，其他地方越喺冷清，唐人街就越热闹。呢个亦都可能就喺点解华人喺边都喺商界精英嘅原因之一，眼入边只有金钱没任何信仰嘅“唯物主义”战无不胜。

呢度有蓝蓝嘅天空，有喺人头上低空盘旋嘅seagull，有紫到发黑嘅cherries，最重要嘅喺有闲适嘅生活。I like it，till now。