今日好得意，翻左乡下探婆，然后去到亲戚屋企摘龙眼。其实凭我而家既身手，真系要等我摘来食就蚊训都未够喉，只不过重温翻以前细个时同堂姐堂妹打大赤脚系条村度周街窜，最开心莫过于夏天，荔枝，石榴，龙眼，洋桃，各种水果轮住来熟，经常可以爬上树，放开肚皮甘食，食到唔使食饭。讲起身又怀念嬤嬤屋门前棵石榴，虽然结既果唔算好好食，不过正系我练出一副好身手既地方。可惜啊，自从乡下D屋没人住之后棵树就俾隔离屋砍左了，一个寄托我儿时好多记忆既物体......然后又想起我过左身将近两年既嬤嬤......嬤嬤几好吗......
其实几自豪自己有呢D城市小朋友好难体验既生活经历，呢D经历亦都系我性格形成，发展到今日既一个好重要既因素。
听日继续飙车：）

翻左来已经足足三个星期了。记得翻来之前总系盼翻来可以好好地玩，但唔知点解，翻到来就净觉得无聊，觉得时间总系不经意间就流逝，过得好没意义……日日就系屋企帮家姐凑女。可怜我甘大个人，拖都未拍过两次，竟然唔只一次地俾人误认为bb个爹地喔，我以后仲点温女啊？不过，睇在我个外甥女甘得意既份上，以后再同家姐计啦：）

星期日去海珠区报左名学车，终于叫做有件稍为有意义d既事情做下啦。4800，真系赔埋我d老婆本啦阴公~~好在而家没拖拍，叫做没甘大花销，唔系？哈哈……难以想象。不过都唔明点解要走到海珠甘远，一d优惠条件都没，都系果个cy，真系好带挈啦，晨早流流就同人讲定，我面皮又薄，都唔好再say no了。

果日顺便叫做比较正式地认左cy做妹，以后互相稳大家笨，做n陪都名正言顺d.两个感情受伤既人……

 

今日7月14号，距离我回复单身身份一年正，比较地多野想……

zx将其称作broken-up anniversary，而我，只能够自嘲作被飞日咯~~唔怨边个，亦都唔再缅怀，时光飞逝自然会睇到将来一切

一早依然要帮家姐凑女，实在好麻烦下。回想自己以前讲既，果然没么小朋友缘~~唔喊就好，一喊我就没心机，没耐性。不过依然唔可以否认我系好爱我外甥女既。

挨晚时分特登着左zx去云南玩时买过我既T-shirt衫，踩住部新车特登去左二沙兜下。避开左食完饭去透凉既人，原来二沙都可以好少人，可以沿住江边飚车。自从以前拍拖去过就好似没去过二沙，风景依然没么点变，只不过人就变晒……不过今次发现原来广州大道条桥东边都仲有好大一片绿地未俾我探索过。其实正系如此啊，点解要限死自己喔。放开胸怀，望远d

 

系福建隐居左将近两个星期之后终于翻到来了~~~从厦门坐大巴星期日一早翻到来。回顾呢两个星期，自己影左破纪录甘多既相，觉得好多都好好，而且两个星期见识左好多，而唔单单系去玩，放松。所以每日都会记低每日做过d咩事情。今日时间唔够，只能下次有机会先慢慢记翻落来啦。

接落来有足足两个月时间，又没特别任务，所以要好好规划自己既生活了。如果都好似呢两日甘就实在太没意义了。