话说以前外国人没"ouch"呢个词,直到一日中国人去外国旅行探险.当然,呢个中国人讲既果然系纯正广州话啦.然后一日此中国人同鬼佬行街时件衫俾行人既行李勾住左(你知古时中国人既衫大件兼论尽啦),于是个中国人就好大声甘叫:"勾住,勾住!!!"同中国人同行既鬼佬以为中国人痛所以叫"ouch",于是就有样学样,以后痛时就叫"ouch!"啦.

一种难言既难受感所以乱想乱写,一种发泄.如有雷同实属巧合.同时请勿信以为真,未经原作者我同意禁止转载引用~~~

逢到学年末,又又各种各样既离别.有大规模,有小团体,有开开心心,有哭哭啼啼.无论如何,对我呢D"天生贱种"唯有笑可以掩饰内心,可以唔令空气凝固.其实"对人欢笑背人垂泪"果真既有学问,有唔小既功力修为先做得不留痕迹.bye,somebody.荣幸认识好多人.

因为要搬,所以室友去申请断网.想唔到中国电信开网是动作如蚁栏,断网又快刀砍乱麻喔,当天就没左了.于是宿舍既电脑一下子变成鸡肋,变成上唔到网既游戏机.如果有网上,起码都算上到网既游戏机啊~~于是频频系学校电子阅览室蒲头,空调吹到人起鸡皮...

her eyes shine like stars!in my eye,she' an angel,too perfect to be touched.So,come on guys,of course it's just a dream.呢个梦都算离奇了...

终于,今日圆左人地影毕业相去做亲戚既夙愿,果然仲系个二女有3我心.其实如果事情顺逻辑发展今年应该我三个女都影毕业相,我应该忙住赶场.可惜,个大女远走他乡,个三女又顶心顶肺没到我心,影相竟然将我忽略不计...好在,一路都有个二女叫做几尊老孝顺,甚至张罗住要帮自己稳个后妈~几时稳个叠水既男朋友就更完美了~~

今日天气唔错~~~

日前经过赤峰路地铁站.见一个成头白发既老婆婆用好凄厉既声叫卖报纸,感觉似乎有D怪...于是好难得地走过去想发下慈悲心帮距买份报纸.不过身上面额最细都一张5蚊.于是问距有没得找啦.系距用好奇怪既动作稳钱时我发觉原来份报纸系两日之前既,而且薄得好离谱.在仔细睇下,婆婆手上份报纸竟然"款式各异",全部都系旧报纸.我指出时反而俾个婆婆好凶地问:"你买不买?你究竟买不买?!!"唯有拿翻张钱夺路而逃.原来show mercy都要讲带眼识人...

系同婆婆短时间既接触中发现婆婆有白癜风,怀疑手癣,而从精神病学分析,婆婆应该算社会性日常生活活动能力缺失.更明显一点,营养不良.令我又不禁想到汤臣一品,10几W一个平方,几多人辛辛苦苦挨一世都可能买唔起个厕所.贫富悬殊..."允许一部分人先富起来,先富起来的人再帮助未富起来的人",期待呢一日,世界大同...

今朝一早考完皮肤性病，然后再杀区南楼上课。路上同学提起先发觉原来上午3，4节课已经系大学本科生涯最后一课了。今个星期只剩低3科考试同一个下午见习。以后都再没机会享受象牙塔既生活了。踏入课室之前仲立志要好好上大学最后呢堂课。不过可惜前两日为考试实在花左太多时间心机，加上上海蒸熟人既黄梅天，训得好香……

又开始多愁善感起身添。听日全科医学，后日核医学，星期五口腔医学，下星期妇产医学，to be done...

终于有机会上黎写两句了，虽然听日又要考试。不过实在几多野想写低。

星期二去皮防所门诊见习见到两个18岁既小朋友，好多想法。一个女生，其实个样就……，阿妈带住黎睇，就为左面上青春豆（专业地讲，痤疮）。当然呢个无可口非，好多人都回起睇。不过问病史时阿妈竟然话个女扭住计话要去整容，就因为面上几个青春豆。“埋怨我不带她去整容”，见到个阿妈并没好不可思意既意思，个女亦都一面理所当然。我不嬲都没口德，当时唔敢讲，而家讲句，唔该你个女照下镜先啦，个样除左回炉再造之外都没么可能整得翻似人少少啦。另一个男仔，18岁了依然要老窦排队，自己悠然自得地系大厅坐住轻松。个爸爸四五十岁，个样都似非富则贵，为个已经生得高过自己一个头既仔系门诊室外边企左成个钟。而家D小朋友都成乜样啊？

开心既事。江*源，土木毕业，广州某工程公司，未来总工程师，江工程师；Dickson Lam,签约香港太古房地产集团，月薪过万。未来太古中国区CEO，林总；陈*源，大一化工转机械，课余读完德文课程，考取学校公费留德进修资格，未来步万钢后路，归国做校长，国家某部部长，陈部长。计埋我，四个03届广州仔星期日第一次坐埋一齐食饭。一个个前程万里，我好为几位开心，自己都觉得自豪。而我自己……

话住话领左驾照尽量少饮酒，但依然没办法拒绝。星期三带书包赴宴得个样，最后灌到转下转下翻黎。星期六又要俾人灌了，避都没得避。

最近好多考试。好忙咩？成个星期考前准备打机打做两晚，饮酒又一晚。时间就如此过去。所以我就唯有睇住人地高飞自己得个叹气既份咯上帝系公平既，粤语话斋，有甘耐风流有甘耐折堕……

过12点了，今日就考试。ENT，全称耳鼻咽喉头颈外科。coming soon……

bad mood,可能因为前两日发现自己自作多情

果然俾自己批中左。星期五考试，星期四晚竟然仲同ICCD一班友去通宵唱K。果然仲没变，依然系果种唔轻易动感情，但一动情就洪水猛兽地喷薄而出。C型……

然后星期五一早没上一二节妇产，系半清醒状态去饭堂食早餐。然后去课室复习。然后，然后发现把遮果然唔见左，等我翻专头去饭堂已经稳唔到了。

一个月前我仲有两把遮随我高兴换住黎用，而家，惟有盼上海暂时晤好在落雨了。

仲有六门，耳鼻喉，皮肤性病，全科，核医学，口腔，妇产……

全中国都乱晒大龙，北边干旱成灾，南方暴雨洪水。难得上海竟然算得上风调雨顺，有太阳有雨水，甚至呢两日连续不断既细雨仲带黎少少凉意。六月中了床棉被都依然辛勤工作紧未俾我打入冷宫。难得难得，实在难得。

落左两日雨，唔大，不过几烦。主要惊又会有漏遮既情况发生，而家个脑唔太好使咯。落雨当然就要担遮啦，于是又想起旧事一单。以前担遮都中意将扎遮条绳转到面前。理由同系拉车既驴面前挂一个红萝卜一样，一路注视，路自自然然就觉得短了，不经意间就到左目的地。而某人就从来唔买我帐，次次都强硬要求将条绳转到后面。具体理由唔记得左了，或者直情就没理由。女人经常有没理由既行为，没办法解释。

依然落住雨，开始plan可能得一个几星期既广州时点安排，统计要见咩人了。开始怀念阿妈既住家菜……

条黑色休闲裤好耐没着，寻日一上身发觉竟然裤头向下滑。似乎皮带亦都松动左。睇黎减腰不费吹灰之力就有少少成效喔，唔使似某人甘拍肚皮

又到期末，又要考试。于是图书馆又经常有我既身影。训觉环境好啊嘛~~睇见同自己同届既人威风煞爽地着"gam guai"衣影相，心入边真羡慕。以后就脱离苦海了，我仲有排挨。个人RP又唔高，竟然没人叫我去做亲友团充数。失望……

言归正传，今日话题唔系毕业相，而系……尿兜。似乎不登大雅之堂啊，不过自认心无邪念（起码而家），而且涉及国民素质问题，所以应该提，而且要重点提，经常提。借此努力促进广大人民群众紧密团结系党中央周围，更好地坚持八荣八耻……（下省）

系图书馆经常一坐就几个钟，于是当然要小便。然后见到男厕所几乎每个尿兜都有一个问题——尿兜前面地面总会有N平方cm既水迹。应该讲虽然唔系好名贵，不过图书馆既厕具都几完好无损，唔似有漏水。于是呢摊水从何而黎大家都清楚了。应该讲中国人都唔太open，唔会特登去show，只不过可能有人怕会反弹上身，于是实施远程精确制导。但有目共睹连美国科技甘先进既国家都有唔炸，你一个单兵作战到最后力有不及好正常。于是就有左第一滩。然后到第二个，更可能就唔系因为怕反弹，而系见到上一个人“误炸”既遗迹，怕有未引爆既“脏弹”，于是又实施比上一个更加远程既远程精确制导。同上，于是地上滩液体又蔓延多几cm。如此类推一个恶性循环，干净既地面终于就变成纳江之汪洋，容鲲之北溟了。

本人对此事实在睇唔过，反复思量之下连标语都想埋：“前进一小步，文明一大步。”人格保证无偿供卫生局等有关部门使用，希望能将呢句标语贴系图书馆，贴系上海，贴系中国既每一个尿兜之前。

素质

星期二考神经内科.寻日竟然成日系宿舍打机没出过门,连凉都没冲.今日自然要努力.但脑血管病变一章书就用左将近一个上午review,而以前每次翻开本书都会不自然地跳过呢章.唔系好多内容,亦都唔系好难.不过每次都会联想起我婆婆.虽然已经过身个多月了,不过始终静落心黎时就好易会想到.于是今朝就不断走神,不断发藕豆...

醒自己两巴先,后日考试啊,拼搏!

终于叫做一偿心愿,系大礼堂表演过.确实装修过既大礼堂几靓下,难怪校庆时话座椅认捐一张就成千几啦.效果系几好既,虽然未到空前,更加希望唔好绝后.表演完当然要庆祝,狂欢.虽然都置身其中,不过实在觉得自己热闹唔起.怀疑自己搬到医院之后仲会唔会再勤奋地翻黎参与,好可能系最后一次了.话晒都3年了.