今日星期二，算翻上都没咩好写了，但系唔写又对唔住自己系电子阅览室门口排甘长队。所以加翻一项，水下自己既空间啦~~

应该又快考试了，大概身负大大个氧气筒潜水作业既日子又快到了。ok，为自己闭关做好全方位准备——玩多两日放松下先咯~~~

寻日又去左成日，终于叫做松一口气，劳心劳力准备左好耐既比赛终于结束，成绩还算可以，起码对我自己来讲。不过总体依然有种衰落既感觉。集体项目排第二，甚至高过上次，不过老实讲话系我地进步不如话系人地退步左。真嘎，确实so so。而单人项目七个人比赛竟然只排倒数第二，有少少失望。其实自己见其他人打，自认自己既水平有机会入前三。不过好可惜，因为系最后一个比赛项目，身子几次热起身又几次凉翻落来，导致比赛时感觉到脚都软左，有两个动作失误好鬼明显，应该扣左唔少分数。如果唔系果然有机入前三嘎。不过都已经过去了，想起一句话：时不可失，机不再来。无论我下次参唔参加都好可能没机会来乙组面对低水平既对手了。难道真如老沙话斋我个箩友问题无法解决？睇来要减肥了……

今日学生会“国际交流合作与港澳台学生事务部”（……救命，长夹臭）做Chinese traditional culture week第二日，自己感觉再没贡献实在太没面，会受到自己良心既谴责，于是终于趁今日上烂鬼流行病学作出了今个学期第一次逃课（如果没记错）既决定。其实算请假遮，反正有学生会发既假条：）

好耐没逃过课了，唔知点解呢。绝对唔系生性左，乖左。好可能系因为老油条左，所以其实系课室又好唔系亦都好，感觉没乜区别。反正自己没电脑，个人又生得木独，唔识稳方法happy，上课又只不过发下怄逗就过去了，早就练出左一身左耳未入右耳就已经清空既本事了，中意自己做d其他事，反正面皮够厚，当老师透明就系了。

寻晚训练竟然搞到十点钟先去红辣椒坐低，翻到宿舍已经将近11点了。竟然要熄灯之后再去冲冻水。其实冻就唔冻，只不过又要等头干，搞到太夜，今日早上起身时实在好有逃课既冲动。唯一令我有少少欣慰既系集体长拳9个人终于第二次到齐，而且叫做练左唔少时间，虽然007既修为依然令我好失望……不过人永远会觉得眼前既没以前既甘好……唔理得甘多了，反正自己尽力啦，要对得住好可能系大学生涯最后一次既比赛！

奸爸爹！

今日考左科卫生学，实在……而家都不得不靠各式各样既作弊来维系住。虽然今日考，不过之前我都没办法专心复习。一摊开书就想起武协既事，表演反响没想像中甘完美，比赛临近长拳组竟然仲未人齐从头到尾排过一次……实在有D心力交瘁。唔明白点解果几条友甘没责任感。老实讲，比赛刚结束之后果种兴奋没持续到几耐。只能希望运气可以好d啦

寻日好happy,今日亦都好happy。5月19号有校庆99周年晚会，我地武卸作为每年常任，当然会有演出啦。虽然我依然未走出心理阴影，又做错左少少，不过总体感觉仲系好唔错。不枉我地排练左甘耐：）我先舞旗，后上刀，当然英气十足啦~~晚会后来当然放左99响烟花啦。有感于老沙一句话：“我刚刚看到放烟花时高鹏抱着他女朋友，好温馨啊！”其实我又何尝唔想呢？可惜，惟有对住空中虚幻既烟花伸开双臂……散场时于是对住走到空一空既操场出神，“这么快就走空了……”一个即将离开既人，唉……其实今次之后要走既又何止距一个呢？阿挽，栋栋，计埋要去安亭既东方，妮妮，同其他几个……点解开心既日子总系短暂既呢？

今日虽然没去训练，不过坐系图书馆摊开本书就总系走神，想左去寻晚同下星期六既比赛……然后阿四昆左我去练功房商量比赛音乐，之后又顺理成章地同距地一齐去左小师父屋企煮饭仔~~当然啦，有老沙同于是两个当年普陀山既目击证人系度，我想再一展拳脚既机会就如此被剥夺左了~~不过同于是一齐睇LOST，沙沙话斋，酒不醉人人自醉啦：）虽然我依然把握唔到距既想法，不过没相干啦，无论知道唔知道，我一样都唔会做到咩。鬼叫我没用咩。

日子，就系呢D开心同唔开心既交织中一闪即逝……

寻日雨一路都未停过，从一早起身直到夜晚，恼人而又丝丝甜意。

5点半去到照旧好少人到，我亦都没晒心机，因为左脚仍然好痛。睇来左脚都要废了……

一路拖拖沓沓，到真正排完过张晔个摄影师男朋友拍完已经足足十点钟了。雨依然好大。个个都散晒之后竟然剩翻我同于是一路。于是乎我义不容辞地承担起送距翻屋企既义务。一路大家有讲有笑好开心，虽然对脚好累，不过真系觉得条路变得好短，好快就到了……似乎之前同我讲既野同我自己傻更更想既都完全唔同。或者距真系只不过当我系一个好普通既朋友，毫无同其它事联系到一齐啦。anyway,我并唔奢求d咩，同武协所有人大家都过得开心，已经系最终目标了：）

今日睇下日历先发觉，原来5月19号已经系下星期五既事情啦，但依然唔似以前甘心由承竹……希望大家都会好起身啦

寻晚发左个梦，梦见我孤身一人去左香港，唔知点解去到一个唔知咩既地方，净系发觉路边车站有一部车可以到我姑姐屋企。果部车正系我两年前去香港时出门经常搭果部。梦中落住好大雨，感觉同以前系广州遇到果种热带风暴带来既暴雨好似。我没带遮，系路边等车既同时见到好多人冒住雨跑来跑去，等车既跑去等车，落左车既从车站跑去人行道边有瓦遮头既地方。亦都有人去送行，车已经起动了仍然冒雨跟住车行，向车上人挥手。而我企系路边，依然系果种冷漠，丝毫没茫然既感觉，没人理我，我亦都没注意其他人，只系望住大雨发呆……

如果拿去俾弗洛依德老生解梦会有咩答案，不过我醒过来之后只系又记翻起果次去香港时既事……

果真无奈啊，就一次上到就再上唔到了。今日难得去医院见习，早左翻来先有机会来东方宿舍写下。之前没得写时会觉得好多野要写，不过当我坐系电脑面前，可以写时又唔知写d咩了喔。人啊，就系甘奇怪……

净系记得一样野要写，就系自己觉得真系好累，系身心俱疲果种。可能河马话斋，长假后综合症啦。不过其实果真，算落来已经有好耐没好好训一觉了。每日上课都会瞌眼训。其实我都唔想，不过实在好难坚持住……武协训练亦都没么心机了，没以前果种气氛……可能人老了，咩都只会怀念以前。正如鲁迅笔下九斤老太……

寻日反左下课程安排表先发觉原来期末考又已经唔远了，而今个学期我实在……唉，年轻人，加油啊，唔好学我啊~~~

唔知点解成个5.1假期无论宿舍定图书馆都没办法上到hotmail，更加晤好讲space了。原本都好嬲下，不过想来今个假期可以算系我过得最没意义既一个假期了，又没出去玩，功课亦都没复习。一日到黑都系电脑，甚至有几日连中午饭都没食，哎，实在没么好写。而家已经11点几，我又系刚刚打完机，仲要冲凉……所以谴责完自己就算了，12点要断电了，要快D去冲凉。听日系假期最后一日，希望系图书馆有少少作为啦