从寻日开始上海就热到阿妈都唔认得。今日据闻有成31度，阴功咯，几时先挨得到放假啊？想起旧年果个热天就心惊惊啊，又热又要断电没风扇，终于知道乜叫辗转反侧了果时就。

Kangmei终于翻来上课了，果然就唔同果老坑，几有feel甘啦～～

寻晚去人草，指点左下冯同张睿颖长拳，终于叫做教完了，都唔知死左我几多脑细胞咯。然后冯丽之前识既一个外国人（应该系中东果边），好鬼死吹得，舞怪之得同冯丽甘有共同语言。竟然拖住我地倾到凌晨1点先叫做好唔情愿地放左我地走，搞到今日听范跃祖课时不断地磕眼训，辛苦到鬼甘。听日去十院观光，顺便俾机会过陈锐同陈煜南请我食饭甘啦～～不过听师弟志文讲舜娟竟然已经拍紧托拖就有d唔爽了，我自己个自恋美梦又破碎左一角了……睇来我唔通果真命犯天煞孤星，注定孤独终老……？我唔要……

今日星期六了，后日就放假了。今日下午没课，中午同东方食完饭去脉动个空中飞人活动，睇左好耐，不过始终没去亲身试过，因为今日已经系正式比赛，好似似乎可能睇上去要凭印花先可以。之后就来左图书馆泡左个下昼。借录像带review左一次LEON，觉得其实都没自己第一次睇完之后甘推崇，虽然好大一个原因系可能部电视有问题，变左黑白片改唔翻过来。不过从Leon身上又感受到果种激情，以前细个时好易有，而家大个左反而没左既激情，果真老了……

寻日中午去留学生楼前边意思意思左下帮手招人，费事话人浮于事唔做野啊，话晒系ICCD都唔少人叫我学长。不过实在好失望，因为见到d留学生无论男女个个都担住枝烟，一个二个唔系好串就系好冷淡既样，尤其系d白人，竟然好直接好厌烦地向我say no喔，虽然理论上距没错，不过实在同我地中国人果种礼貌谦恭差好远。所以到最后招到既都系亚洲人多。anyway，虽然要俾部长派去去做d咩资料输入之类“下三流”既野，不过始终自己叫新仔，厚积薄发啦。

德语考试？当然……有信心pass啦，难得隔离潘杰同我传纸仔喔，再肥咪丢埋杰哥面~~

放假，从呢度开始~~~~

星期五就考deutsch啦。到而家为止都未认真复习过，11到15课啊……

今晚又要训练，剩翻听日下午同夜晚了。其实都有尝试过去复，不过实在拿起睇睇得明，不过就系记唔住……德语太烦琐了……上次卷简单，又有于是帮我复习，好好丑丑拿个70几分。今次足足五课语法点同单词，于是又十分干脆地拒绝左我，肥硬啦。5555555555555

this weekend the kongfu association have a practice on Saturday for the show on the celebration of our university's 99th anniversary.after that I just messed around without any studying.even though the coming Fridday there will a test of the God damn Deutsh.I'm so tired and feel both of my legs pain,knowing that injuris to the ligament.

A good news is that Kangmei had come for our lessons last Friday,and will take the teacher's role again the coming Sunday.

Yushi seems not so happy these days.I don't know why,but just feel it(or I should say hear sb said......)

The holiday is coming,I've made up my mind that I will just stay in the campus for the reviwing of the study.I've missed a lot......

Good day

P.S. 星期四俾个老师点左去东方医院稳孕妇做问卷，其实系个老师巧借名目派我地去做免费孤哩。又要问咩月经状况，又要问，咩节育方法，仲有咩有没妇科阴道炎……问到我自己都唔好意思，好在两个病人都好配合，如果唔系就……

实在好忙……武协五月底有校庆演出，又要有上海市大学生武术比赛，而家要日日苦练，学生会个国际交流部（全称：国际交流合作与港澳台学生事务部……长又臭~~）又刚刚成立，开唔完既会……身心俱疲啊~~

星期六班入边组织去七宝古镇玩，其实几想去，同同学搞好下关系甘啦，不过又要同屋企人买羽绒，又听滔滔牛讲话浦东某地名牌打折，甘咪跟距去咯，点知……damn!唔想再提了，反正就浪费钱财兼行到脚软啦。果个滔滔牛，正衰仔！好在叫做系南京路买左羽绒，没白行一趟。

发觉自己唔知算唔算系上海耐，小资左。而家每个星期都会有一日去第五街买个套餐，3蚊有一个三文治，一杯奶茶。以前就实唔会甘做既。而家叫识叹左？又抑或其实只不过自己out左跟唔上潮流遮？anyway，其实我觉得无论咩野野，物质只不过系为人生存提供一个条件而已，没么必要经常地每件事都去追求享受。正如我地老师话斋，无论咩野野，食落肚一样系蛋白质，碳水化合物，脂肪果几样野，大不了就系营养价值多d少d遮。所以见到Kinki每次开口埋口就系食，系享受我就觉得好厌烦，好野耐唔耐食餐过下瘾就系啦，何必死抱住唔放呢?人生活系世上有好多野更加有意义啦。

星期一主刀系兔仔身上做左阑尾切除，肠切除，脾切除，胃穿孔修补，没想像中表现得甘完美，睇来仲要加把劲啊，doctor Yang!!!

经过漫长的岁月，经过精心的策划，经过超多脑细胞的死亡，终于上个周末去成左崇明。so exciting!不过代价都唔可以谓唔大啦。足足用左300蚊，而且又碰上天气唔好，好鬼死“郁闷”左回。

具体历程如下：

Fri：下午3：30打的去宝杨码头左船，大概下午6点几去到崇明。之后稳地方住，祭左五脏庙之后已经8点几了。随便去超市买左d野食，逛左下已经关门关得七七八八既所谓商业步行街八一路就翻左旅馆。好在有刘回一路已经叫屋企人打点晒，如果唔系实头大啊。住果度其实系浴场，连过夜既功能遮。又规定一定要交18蚊浴资费，所以干脆就去洗左个桑那，之前小四死叫话要“马杀鸡”，不过都系得个讲遮。

Sat：一早起身去超市买左中午烧烤既野，顺便买个蛋饼做早餐，刘回就有车来接了。一部天籁同一部别克。由于未坐过天籁我第一时间拣左部天籁坐。废话少讲，反正换左部面包，先去一个好前卫既生态村，就叫前卫村~~~其实没咩好玩，入到去一人10蚊租左三部双人一部单人单车逛，咩都要另外交钱，实在扫兴。之后去森林公园，40蚊per人。话就话好大，其实我觉得就好麻麻。去烧烤更加烧到一肚气，反正建议以后边个有机会唔好烧烤。景色都仲系好好，去采风确实唔错。尤其系东北角一片树林，果时去走实在好有feel。可惜沙沙部ZLR实在唔争气，竟然关键时刻没电……不过东方话斋，将美景留系心入边可能更令人回味：）出来之后剑桥杀到同我地会合， 刘回请系隔离食左餐，之后杀去东滩。先去滩头吹吹风，实在好大，好冻~~之后杀去最近既瀛东，借刘回关系以100蚊入住300蚊一晚既房。后面都算正常啦，就去饮姜汤食“团子“搞左少少。

Sun：呢日都算搞了，原本打算去睇日出，四点两起身见没落雨，只系落过雨样。于是全军集合啦，点知出门时横风横雨，俾个妮妮疾到我爆血管。于是照去啦。去到仲系时大时系。反正搞左好耐，影左唔少相。然后到八点左右同妮妮，剑桥好冲动地落左湿地，用胶袋包住脚就出发。落过雨，好湿好难行。反正叫做系管理人员过来喝我地上去之前得偿所愿啦，虽然洗脚时跌左野，好应下~~。后来去左没山既金鳌山，再之后就翻南门镇了。刘回又请我地食左餐好好既，有羊腿，有蝽子，好味啊~

之后买左两点既慢船，行程结束。好长~~~

 

good news and bad news

Good news:报左名参加学生会一个新组建既部门，对外交流部（大概，我都唔记得好清了~~~），系面对留学生，同留学生交流既一个部门。当然我系冲住可以同foriener交流先报名啦，而且我觉得借呢个机会再次去实现我三年不飞一飞冲天既理想，去展现我做学生干部既才能,so good啦。寻晚去面试，预料中甘有English interview,不过没么准备过，虽然Kinki同我讲好多人都拿住好多英语证书去show，都算盲目自信啦。所以去到老实讲表现真系好差下，同我预期差好远。interview我果一男一女一眼就知分别系Kinki话果个去澳洲交流一年既猛人同学生会好top下既madam。好好彩，后面既普通话问答中我系武协做教练同大学以前既辉煌经历帮我增分唔少，所以今日中午好顺利地收到通知今晚去笔试。yeah!!

bad news:好讽刺，以前病左去睇病唔想要抗生素时就永远都有抗生素开到，上星期去想要抗生素时反而就没喔，净得d消炎药（P.S.抗生素同消炎药分别在于前者系直接杀灭或者抑制细菌微生物，后者就只系限制身体作出炎症反应。觉得作为一名立志于成为医学工作者既人有责任同大家澄清）。于是乎病情迁延，终于系今个星期二“来事儿”，搞个中耳炎，what the f***！开初以为耳膜受损，以后听力都会下降，惊到我提心吊胆啊阴公。

寻日去肺科医院见习，后面竟然有个好靓既花园，据闻好有来历下，一班人好疯狂地去逛左好耐，好正：）而且好庆幸有女生带左相机，又影左唔少相，实在太正啦~~~

星期二社团联又搞个“不定向越野赛“，我又参加左，代表武协。成个比赛比之前国个强度大好多，而且规则又繁琐，最衰就系书面通知同d工作人员行为相矛盾，搞到我地没想到有漏洞，所以总之一句讲晒，没出好成绩，只排20几支队中既第七第八左右，连纪念品都没，damn。

听日就要去玩了，不过沙沙部相机仲未到手，而且突然发觉从学校到码头既车仲未有确定……忙啊~~

呢个星期既话题都系围绕樱花，没计啦，鬼叫而家最抢眼，最有人气就系呢样野咩。用生命既短暂来换取关注，可以讲死得轰烈啦。

寻晚开始又落左一晚雨，都几大下了已经。所以今日一爬起身又想起d樱花，应该落得唔少了。果然，去图书馆既路上见到满地花瓣，单车车胎碾过时都觉得有种负罪感……但一路上都唔觉得有边棵樱花因为花瓣既飘落而逊色，依然吸引。其实同一时期既海棠只不过稍迟开左少少，不过问津既人就好少了。因为唔似樱花甘多甘有规模 ？maybe啦。人多力量大，呢句话都有一定道理既。

今日终于确定崇明之行既名单了：妮妮，东方，助教，剑桥，Kinki,小四，我，仲有一个好鬼死难复伺，其实吴敢确定一定去既沙沙。提起我就想杀左距！不过，算啦，无谓破坏出游既好心情啊嘛~~

P.S.今日原来愚人节，都唔记得左。净记得今日开始又可以肆无忌惮甘发短信，唔使好似呢两个星期甘因为330条套餐短信用完而缩手缩脚了~~不过应该都没么机会可以好似上个月甘咯，因为上个月有几日系课都没认真上同于是发短信。随着我地既疏远，没下次咯。

今日未整蛊人，睇下今日剩低既时间有没机先，如果没，愚人节既第二日都算机名正言顺啊~~~