小黑翻黎，生日。大家又聚一齐。但发现好多野都变了。大家既话题重点已经从以前既年少轻狂变到开口埋口既将来，工作，出路。已经好多年，大家都有各样变化。小师傅憔悴左，师父个肚腩大左又细左。小黑成熟左，KK永远都客服既语气，连沙都变得高情商左……自己呢？老了。

回想大二时初识武协一班人，大家青春年少，斗呕心，斗无赖，当然，亦都斗身体。而家大家相互比较最多既无非title，income，and拖友。

武协可以继续落去吗？……大家几时可以再聚？

曾经既目标,如题.连果个所谓既"二阶段导师"都唔记得我了.而我自然就唔会再去积极.但点解出个夜班都甘艰难呢?唉,遇着我呢个主治都算我黑仔啦...

终于要离开骨科了。食左一个月免费饭，加上我地组两个住院医只系高我一两届既师兄，一直都系有刀同开，有饭同食，有凉同冲，毫无隔阂，自然好唔舍得，更何况我希望研究生既方向就系骨科。只不过到而家都未甘同梅主任“表白”，头痛。鬼叫自己个人就系甘“漏气”，成日都唔上唔落咩？“太傻太天真”~~

总结骨科医生既生活，泥水佬加斗木工人。骨科既器械包括螺丝（一粒要千几RMB嘎！）螺丝批，电钻，扳手，钢板（一两Ｗ一块），骨铲，老虎钳，骨钳，锤，甚至见过最夸张系时不时见到偷单车时用既大力剪，足有成米长，用黎剪钢板死骨之类。然后亦都明白点解骨科男女比例如此失调，唔提要帮病人搬脚抬身，就用力拧螺丝都非一般女士可以轻易胜任。故曰，男性系骨科仍然有天生优势。

如果要评自己系骨科之最，最痛苦无疑系因为洗手过多两只手爆册。每日不停换药，洗手；开刀，洗手；门诊检查病人，洗手……不停既洗手令我双手仲皱过我阿妈，然后竟然产生去完厕所都唔想洗手既罪恶想法……最有成就感自然就系系急诊睇病。师兄带住冒住老师既名帮病人睇病，从问病人“哪里不舒服”到清创缝合开药打发病人翻屋企，实在觉得好有成就感。最幸福既事，骨科每日中午主任包饭算了挂？搞到我习惯性地唔带饭卡出门，最近两日都系问人借，瘀……

后三个星期麻醉，泌尿，胸外，可以透透气再继续吊颈。之后系五个星期既普外，糖尿病足……当然，有样重要既事要努力，终于明白幸福系要自己去争取既，唔会有饼从天而降，除非过期既。