| John 的个人资料津少生活记照片日志列表 |  工具  帮助 |
|
3月30日 花之殇学校既樱花又开到将尽了。
年年岁岁花相似，岁岁年年人不同。今年已经没勇气再拿起相机去影了，最后一年系学校，多少有留恋，留恋得唔敢再去触碰可能既记忆。置身人丛中，但发觉每次既人都唔同左，感觉好难受，已经唔系伤感甘简单了，简直有种恐惧感。以我既性格，以后即使有时间都没么可能会特登为左D樱花而从医院跑翻学校。所以，或者想再见到花瓣漫天既场面，好难了。樱花之美，在于盛放之时逐片逐片花瓣脱落，风一吹，漫天飞舞。即使落左地，一片片粉嫩既叶亦都要用人海战术系地上编织成惨烈既场景要人为之侧目，简直连睇都唔忍心，更何况去践踏？于是乎悲观既我自然地爱上呢种带悲剧色彩既花。
今年可能由于整体天气热，花期比印象中旧年提前左。以前应该系四月初盛开，而今年，呢个时候高潮将要过去了。南校区果棵开得早，谢得亦都最快。蜕去一身盛装之后，其实樱花实在普通得过分。似乎一年既低调只为呢一个星期唔到既时间。落差，大得令人叹息。唔知点解，今年全校既花都只有一种色--接近纯白。只有远远地望去一片树，先会感觉到白色中带住一种淡淡既粉色。惨淡既白色，更加令我没勇气去尝试将花既灵气摄入DC呢种死物中去。
每到环境既变迁我就会癜筋扯，呢两日见到有大四既人系路边买书就有种想行上去free hug下既冲动，即使我并唔识距地。只因为大家都系大四既学生…… 3月25日 betrayalFriday,I betrayed myself,even though I failed,but still a betrayal.'Cause too lonly?Who knows.So cofused feeling.So get back to your single life,2 year is coming soon 3月19日 烧坏脑严重怀疑星期五武协训练衫着得太少，一件短袖上阵，搞到星期六开始周身酸痛。开处仲唔知发烧，到夜晚先警觉起身，量下，38.2摄氏度！！印象中好耐都没试过甘高了。不过想到周末去校医院只能挂急诊，然后估都估到个医生肯定话：“现在药房没人，这个某某药开不了给你，星期一再来吧。”或者谨慎少少就开樽抗生素我吊下，而我又最唔愿用，所以一直强打精神，挨左两日。星期日仲同sll走到南京西路食饭……（*）等到今日有借口逃课，去到导甄台一量，得36度4，仲低过正常值……循例开D感冒药，又可以蛇王半日了~~~而家就希望烧左两日，身长有得再生长果少少就好了~~
（*）话说星期六去一间叫风波庄既地方食饭，之前sll同我讲一个好玩既地方，我就觉得奇怪，食饭地方好玩？去到一入门就吓亲，入边个个服务员都自称小二，个个都江湖中人，食饭叫练功，每张台唔写台号，分成少林，武当，光明顶，天鹰教====地方。最得意一个叫古墓派，谢绝三人以上订座，因为只能够容纳杨过同小龙女~~~坐既系桥凳方台，纸巾叫抹布，牙签叫暗器，人人入坐必要食个大力丸（肉丸），叫江湖规矩。然后一上菜班小二一呼百应，果然有江湖气氛，细胆既吓都吓死。连音乐都净播同武术啊江湖啊有关D野，等你埋单松人时小二大叫：“青山不改，绿水长流，****，恕不远送！”搞到你差唔多要回身作揖道别先敢走。at last，其实菜做得唔算好好，胜在有意思，好玩。个人认为间餐厅最好一个地方小二点菜时会比较坚定地建议你合适分量，就算你想点多都好难，一样江湖规矩。跟得上节约型风潮。吾等习武之人值得去下，多就免了。 3月15日 one week翻到上海已经一个星期了。系呢个时节又遇到一个唔大唔细既问题--水土。由于缺乏阿妈滋补靓汤既保护，加上现时上海干燥既环境，本人原本就好麻麻既皮肤又开始“黎神”了，直接间接地破坏我“鹦鹉”既形象。惟有加倍甘搽薰衣草lotion。不过效果似乎依然……更惨一样系嘴唇，干到直情结痂甘。其实学车时教练都成日话我嚼嘴唇，当时就因为紧张，而家就实在唔咬唔舒服。润唇膏又要入货了…… 3月10日 感慨发觉自己真系老了，中意追忆以前既生活，发现以前好多事情好嫌弃，而家就好唔舍得……
于是贴呢份歌词。作为一个广州人，实在好希望多D东山少爷呢种本土歌手，唔使再跟住香港罗友转，因为而家香港歌手质量实在麻麻。
呢首歌都可以寄托一部分对童年既思忆了
东山少爷-肥仔个头
又站在越秀山边看雨下
这小子十岁个年水边抓青蛙 湿佐身归家哈你就听打 玩颠佐乜都不怕 山边的红花满地 是我珍馐百味 花蜜甜于心扉 紫荆花微香气味 细路哥的把戏 折只兔仔唱你 肥仔个头大过五层楼 肥仔只手佢细过荷兰豆 如风的歌儿随童年飘走 嬉戏里光阴过去 欢笑相片中记取 肥仔个头大过五层楼 肥仔只手佢细过荷兰豆 如此的歌儿还会唱几首 经太远忆得半句 个半句跟花雨飘去 又站在越秀山边看雨下 这小子十岁个年水边抓青蛙 湿佐身归家哈你就听打 玩颠佐乜都不怕 山边的红花满地 是我珍馐百味 花蜜甜于心扉 紫荆花微香气味 细路哥的把戏 折只兔仔唱你 肥仔个头大过五层楼 肥仔只手佢细过荷兰豆 如风的歌儿随童年飘走 嬉戏里光阴过去 欢笑相片中记取 肥仔个头大过五层楼 肥仔只手佢细过荷兰豆 如此的歌儿还会唱几首 经太远忆得半句 个半句跟花雨飘去 肥仔个头大过五层楼 肥仔只手佢细过荷兰豆 如风的歌儿随童年飘走 嬉戏里光阴过去 欢笑相片中记取 肥仔个头大过五层楼 肥仔只手佢细过荷兰豆 如此的歌儿还会唱几首 经太远忆得半句 个半句跟花雨飘去 希望大家都可以支持，因为实在好听。 首儿歌经提起就仍然记得。（为免得罪任何人，主角个名填翻自己）
YXJ个头啊，大过五层楼啊，YXJ只手啊，细过荷兰豆啊，YXJ既屎忽柯豆豆（其实几核突下）
一德路、二沙岛、三元里、四方炮台、五山、六榕路、七星岗、八旗二马路、九功坊、十三行,广州印象…… 3月9日 广州时重回上海时大学四年第一次迟报到,为左个四轮车既驾驶证.好在自己生生性性,没辜负自己裹几百蚊加纸.虽然俾辅导员捉到正,而家会唔会有咩后果都系未知数.不过想起过多一个月左右就有个c1牌系手,话之距记我过都好啦.兴奋!至于如果你要问我具体要几钱?费事话你地知等你地笑我做左水鱼啦.不过虽然自己俾多好多,不过如果唔系作一回水鱼都没可能系甘短时间内又撞正高峰期既情况之下拿到证. 反正此事告一段落,大年初八着主件短袖练车已经留左系20几度既广州了.翻到黎0度既上海,又要7点起床,11点8打冲锋去饭堂,中午又得不足一个钟训,又要听你侬我侬了......(一个月隔离之后系K100上边听乘务员讲竟然又反应唔过黎) 最后一个学期,竟然仲有将近40节课.讲都没人信... |
|
|
