诗云：“求之不得，辗转反侧。”

寻晚某人既说话，令我迟迟不能入睡，今日7点钟又醒左了……

果然如我数年前不止一次讲到，我地两个人连想法都恐怖地相似。只不过我已经唔愿再次“无啦啦，有哒剌”，要收埋自己，不再轻易受打击。

所以我唔会讲话拒绝系因为在傻傻地等待，唔会讲我都有相同既想法。连我自己都讲唔清既野，点话过人地知啊？

呢几年自认学得最好既一样野就系识得不再“高瞻远瞩”，不再目光远大。“见步行步”。于是不再奢想将来又一再逃避现实。

但今日早起照镜，发现眉头额角已经不再光整，眼角既鱼尾纹越来越长，鼻唇沟越来越深。下巴既须根更加残酷地指出，无论我如何“装嫩”，已经系奔三既人，唔再系以前既小朋友后生仔了。

韶华易逝，我仲有几个2年3年挥霍？

又遇到节日值班，虽然呢个节日对我黎讲毫无意义，只有38.8℃既高烧（正确应该讲中度发热）。只不过正好翻自己以前影既相时见到呢张好讽刺既相。
边个讲爱情没期限噶？

基本算按自己既计划过左呢个目前为止人生中最为特别最为矛盾既新年。

第一次没系屋企人身边过年，每日上网关心广州站集中营既情况，觉得同果几十万人同病相怜。年，对中国人黎讲总有其特殊性，没其它咩野相比。年三十白加班依然奋战系骨科急诊，开单，打石膏，清创缝合，中间又捉紧时间同留守既同学去苏武牧羊食火锅，落班之后又“不得不”join距地去睇春晚。但依然好怀念同屋企人食团年饭，夜晚同三五好友逛花街。呢个先系传统广州人既心头好……零点前后又见识到上海人既有钱。各色各样既烟花此起彼伏接二连三接踵磨肩人山人海水泄不通，系8楼儿科既窗口望出去，比年初一既白鹅潭都有过之而无不及。打开窗，除左阵阵劲风之外天地间都充斥住硫磺硝烟既气味。下年我都要考虑下批发烟花发翻笔横财先得~~凌晨2点，止不住强烈既乡情，写左封“热情洋溢”既家书，只希望阿爸阿妈唔好当我饮醉酒就好了。

初一，懒觉，睇小说，过一个懒年。

初二，正式值班，乖乖地8点上班，睇症，开单，开药，打石膏，收病人，写病历，写医嘱，一路到凌晨2点。中间忙到中午饭都没食，夜晚饭等我翻到宿舍同学自己煮既除左见到几只空碟之外就只有几个汤圆……

今日8点交完班之后又要补病程，换药，直到11点先有得“下夜班”。

辛苦，系到目前为止对呢个本命新年既自评。希望劳碌既开始之后会有所收获。

明年要翻屋企过年！