最后一个星期喺骨科，竟然都仲要值个周六24小时班，从上午8点一路忙到下午，唔喺换药就喺缝针打石膏，忙到痴肺。夜晚又收个急诊刀，拖嚟拖去，又到凌晨先搞掂冲凉落嚟。夜晚急诊成晚训觉都唔安稳，时不时嚟个病人。最无语喺一个40岁未到嘅女人，其实如果光从外表完全唔觉有咁大年纪。左腕背侧切咗个几深下嘅口。开始以为几搞笑，人地个个自杀都割手腕前侧，有血管，但佢就切后边，点死啊大佬？开药，消毒，一边缝一边套，原来喺一个不幸嘅故事。中年女人，阿爸去咗好多年，不幸老公放低7岁大嘅仔过身一年，仍然没办法割舍，于是用刀自残，可能想自杀啦。唉，多少令人心伤。于是一路缝一路做义工，开解下呢个可怜嘅女人。其实帮唔到咩，只能够仔细d缝下，等佢手上嘅疤唔好太明显啦。

有人已经规划好我以后要点点点，唔可以点点点，时不时仲搬长辈威胁我……落搭啦我~~~

圣诞夜，其实几想出门去教堂行下，难得有咁嘅气氛啊嘛。不过一嚟没人做伴，二嚟天口唔喺一般地冻，第三最近唔喺一般地黑仔，所以都喺少活动做宅男安全d。

一个人黑起身唔到你唔信邪，一个星期唔到竟然连续唔见两只杯。第一只喺个乐扣乐扣，落班想带翻宿舍冲茶叶，然后估计喺饭堂食饭时一时唔小心漏咗。咁就算啦。最多后边两日成日唔记得，上班喺科室没水饮，唯有吞口水。等到终于记得，动用三两年前武协表演时发嘅一只“高真空”保温杯，只用到第二日，由于前一日值班值到瘟瘟下，当日个人完全处于半睡眠状态，竟然可以行行下都唔见咗，而且仲要翻到宿舍一头就训低，咩都唔知，到第二日上班搵水饮时先发觉……唉，你话医生几辛苦啊，以后搵我睇症唔好话我小气要收你药费啦，最多诊金唔收啦……

一直都喺果种唔声唔声，吓你都唔惊嘅人，心入边有想法都永远“咕”声吞入肚嘅人（起码自己认为大部分情况下喺咁嘅），只会用力做事，老老实实，忠忠直直，担屎唔偷食（过分少少~）。但某人嘅行为实在太过分。7：50落楼接我班，要我8：00去交班。我喺神啊？见到主任仲要讲句“我昨晚值班！！”只不过好似唔记得咗我急诊手术做到凌晨3点几，你4点都要打电话上嚟要我落去接你班。我忍，我继续忍。反正再过分都喺呢两三个星期嘅事。都已经忍咗你两个月了，再顶多你两星期又如何？

唔想同呢种人太多纠纷。工作已经好忙好辛苦了，而自己嘅重点仲喺一千八百几公里意外嘅某地。自己做事唔小心，要佢为我承担。距离，永远成为我嘅问题……愧疚，惭愧，唔好意思。you know,I'm waiting for you,my love。以后做住家菜，食住家菜，simple life……