Christmas,no snow,but only rain。又一个暖冬，灰色既圣诞节。湿冷既上海，湿冷既mood。似乎每到节日都会如此。
     貌似按西方人讲，今日应该系叫做节礼日，收礼物既日子。对于我呢种Christmas Eve每个人都或成双成对，或三五成群出门玩可以自己一个人系空荡荡既宿舍用05年既过期杂志打发时间既人黎讲，自然没机会拆包装纸啦。更何况Santa唔知要将俾没挂stock既小朋友既礼物放边。两千多年前一个鬼佬生日，关我鬼事咩。
     唯一自我安慰收到既礼物系回答问题之后药代送既一只mini mouse，只有两只手指阔手指公甘厚，最搞系USB插头同mouse之间仲带两个USB口，即系如果充分利用可以系一拖三。不过我呢种半桶水都知道甘既连接会分薄电流，想拖移动硬盘？想下好了，最多带两只U盘，顶了。于是对于呢个礼物既结论……我都没电脑，要只mouse，喂猫啊？转手寄过第个。慷他人之慨，我最拿手。
     Good day

最近3个weekend都有翻学校，有时间系学校漫无目的地乱逛。再次见到心目中同济既美景。中意三好邬几只白鹅同条河仔中间几块过河既垫脚石，可以悠闲地生活，无论春夏秋冬刮风落雨；西北一片三四层楼高既水杉林，每到秋冬转变成铁锈既颜色，一大片萧瑟既感觉；南北楼旁边两排悬铃木，到呢个时节褪尽身上巴掌形既叶，净留低瘦骨嶙峋既树枝犹如皮包骨既手指无力地垂直指向天际，系上海灰霾既天空映衬下尤其地刻骨铭心，可惜每年学校都要将手指剪走，好过冬挂；仲有图书馆门口两片硕大既草坪，四周悬铃木枯黄既叶片铺满地面，朝早迎住初升太阳金黄色既光芒，一脚踩落去,同时有青草既柔软同枯叶折断既干脆,感觉有如以前恶作剧之后没俾人抓到,心底罪恶既犯罪感?仲有好多好多,失去之后先知道珍贵.然后又去后悔.以至于一路前行,我都要柃专头甚至成个人turn back学公园D叔叔阿姨玩倒后健身行,目的,只不过为左心中欣赏既scene可以系眼底视网膜多成像几秒.但最终发现多嘀左前边几秒,后面既景又会be missed,于是唯有不断地回头,不断地turn back.或者最终要有一日,等我俾石级之类kig一kig,跌到头破血流先晓得原来人始终系要向前睇既...

全医院带学生一两千人为果个下午准备左无数个hour，而两位专家就悠闲地转左半个下午就拍拍个pat走人，甚至乎连两位贵人眼耳口鼻系点排列我都没机会睹下，教学查房白白拖左两个钟，搞到唯有冲半冻既水，都唔记得食左咩当饭了。Anyway，终于叫做过左去了，相信二系办既人都唔会即刻又同我地苦口婆心了。Thank goodness.

但依然好忙，最新纪录上午7：30到科室，直到夜晚23：30，中间除左食饭两个钟之外基本都系不停地忙……呼吸科果然唔系随便可以应付既。终于今个星期出科了，thank god again。不过老实讲3个星期确实学到好多，认识到或者讲端正左对医生既认识同对自己既要求。I should be a good doctor。

阿挽翻左上海，正好出呼吸之后既轻松，好耐没试过通宵K歌了。已经开始追忆武协以前既事，而家想起，又开始感叹岁月如梭了，回想以前既日子，总系美丽，令人开心既事：）……