| John 的个人资料津少生活记照片日志列表 |  工具  帮助 |
|
12月24日 带疤过圣诞ICCD重大工程终于叫做搞掂左，可以升仙了。算落来已经有两个几星期没好好训过了，所以星期六去图书馆基本上系去训觉。今日干脆训到11点。不过起身之后仲系眼训……星期四仲有一场表演，配古筝，紧张，因为从细没音乐细胞，干脆一段都记唔住，仲不如流行乐……人已经想要散了。不过先发觉原来都已经开始复习迎考了，而我连睇都未睇过，今个学期要肥几科呢……
星期五去睇医生，竟然仲唔俾我拆线，所以要等到12月25日。肉已经生到遮住缝针既线了，想起到时3条线要拉3条血痕出来就毛管眼都栋起身啊。阴公，天没眼……
P.S.受伤时一件事情令我好感动，上次唔记得左提。受伤过晚lq去我宿舍拿学生证，当时宿舍有jp同lk两个人。令我好意外既系两个人听到我受伤都第一时间来医院睇我。搞到我好moved。自问如果当时调转过来我唔一定就会扔低手头既游戏赶去医院。所以呢件事令我好反思。其实一直抱怨呢样抱怨果样，总觉得身边人唔满意。但自己呢？有时确实自我反省太少了。要改…… 12月19日 光荣负伤星期日城规晚会彩排，竟然系最后俾lq一刀挥中下巴。虽然话刀没开刃，不过当时无情力确实好劲。虽然当时没么感觉，不过后来照镜先发觉原来好深下。惟有去睇急诊。缝左3针，仲要麻药都没打。早知就如同学话斋，自己对镜自救罢就了。下巴包住纱布做左两日校园焦点，今日去换药。大概仲要一个星期先拆得线。郁闷……
回应下柠檬既问题。今个星期四系我地学校人工草坪搞晚会，虽然同我预想已经完全唔同晒，感觉自己就好似着左好中意既衫又俾人剥光再扔两块烂布过你行T台既感觉。不过始终都叫自己花心思落去搞既，等于我生得唔算十分非常特别好鬼凌舍靓仔不过我阿妈都唔嫌弃，点都要讲下。大家有时间就来捧下场啦（虽然好官方，好常规）。今次都算听“敬爱”既主席话，做左个“学校级既活动”，虽然我手头只有学院级甚至都不如既钱同资源……
果然我已经习惯闲云野鹤，唔惯俾人点了。稳日轻轻地挥手啦……
最近没么时间去睇大家既空间，见谅见谅…… 12月16日 带病稳食今个学期冲冻水没病，淋雨没病，点知“无明显诱因”就病左了。分析落来最有可能系劳累引起病发。
已经成个星期没好好训过，每晚都要敲门叫阿姨起床先有得上楼。最早就寝时间系1点钟，space没更新都没资格提了……辛苦过期末考试。下星期四，成功成仁就睇今铺了，虽然我自己都好怀疑会有几好反响。我天才既想法完全被颠覆，而家做紧既只不过系来料加工，毫无技术含量可言。星期二支交，星期四圣诞晚会，此乃学生会任务；星期二城规双年庆，星期三经管迎新，仲有已经唔记得几时没搞清团委定社团联既晚会，一样艰辛既武协工作……
仲边有时间解我打机瘾，边有时间同小黑好好聚聚啊…… 12月11日 飞雨，又见飞雨又开始落雨了，又朝到黑没停过，令人心情亦都同天一样阴暗。于是又有唔出去既籍口，又系宿舍堕落。
唯一可以令人感到心情靓翻下既应该算小黑今日翻到上海了，虽然好可能要争表演出场机会。尤其城规双年庆，之前同城规既人夸晒海口，但我知道小黑好希望可以系城规台晚会上场…… 12月4日 煮饭仔周末阿挽翻上海，于是一班人星期六又出去FB一回，顺便当送zr下月去当兵。不过时间太短，没么机会几个人坐低谈心饮酒。可惜……
之后星期日jq,阿四,kk,zry同我total5个人跑去我师父屋企煮饭仔，主要系为品大闸蟹。由细到大一路以来我都以为自己完全没厨房天分，所以一直系屋企都好心甘情愿地包揽洗碗业务，做专职洗碗童子。不过到上海先知道一山还有一山低，就凭我平时系厨房实地考察既功力竟然系我地呢班人中有机会做总厨，果然上海人……大家想法好多，尤其kk，为此专登买两本烹饪书，可惜依然停留系书本理论阶段，比我实地考察理论要差好多个等级咯。不由得想起帮距翻译份resume时竟然大言不惭话自己中意煮饭……睇来resume呢样野水分都唔可以话唔大了。从另一方面讲，写resume确实面皮要够厚。言归正传，当日菜式计有踟油糖鸡翼（髀）炸薯仔，叮薯仔，兰豆炒兰豆，上汤豆苗，清水塘蒿，炸大排，清蒸白水鱼，老火香菇童子鸡汤。当然主要系清蒸大闸蟹。薯仔唔熟，豆苗老过你阿妈，塘蒿净泡过一盘水，鸡髀大排半熟，惟有鱼，蟹同鸡汤因为没么人为因素干扰而稍显正常。更屋漏兼逢连夜雨既系师父屋企个电饭煲竟然煮落先发觉坏左，煲极都得个三四十度。于是惟有移D饭既尊驾去微波炉叮。由于没人用过微波炉叮饭，竟然要劳动到kk打电话去问亲戚。最后要翻叮再翻叮先叫做叮好一半饭。师父实在睇唔过眼，走落街买左四盒饭上来先解决温饱问题。折堕……11点几开始买好料上上师父屋企，到最后食完饭大概已经3点有多了，果真耗时耗力，不过胜在够好玩。yummi就实没了，不过间唔中玩下都算有益身心啦 |
|
|
