终于又翻咗嚟，坐喺冷冰冰嘅宿舍入边爬格仔。眨下眼呢个农历年又过完了，告别本命年，唔知接落嚟呢个牛年运势如何呢？

其实自己平时根本就唔信呢味嘢，神神佛佛，借开少少啊唔该。不过呢一年对我人生实在太重要了，不得不想到呢的嘢。

回首自己嘅本命年，其实并没太多唔顺，一切太太平平，普普通通，没太多遗憾，但亦都没么亮点。年廿八行花街俾人摸咗部手机算喺老猫烧须啦，算喺喺咁矣向本命年表示下啦。不幸中嘅万幸，唔见嘅喺阿妈部，如果喺我部就头大啦，二三百个电话……

接落嚟呢个牛年，要去加拿大一趟，当旅游啦。已经基本放弃做Canadian嘅想法。点解？解释过太多次了，起码同自己。唔想再讲，因为其实自己都未100个percent劝服自己……为咗呢个trip，连执业资格考都放弃咗。而到年底就喺搵工嘅关键时刻。到而家为止心入边依然没底，中山医？省中医？甚至喺考博抑或揾钱都未决定到。毕业要发表论文啊，而家连个影都没，么概念都没啊……

依稀记得以前上课时了解过咁样嘅一段信息，已经唔记得咗喺老师讲嘅定书入边讲嘅了，话对一个普通男人，25岁喺身体机能最鼎盛嘅时候，25岁之后就开始走向衰落。既喺话高峰已经过去，要触顶反跌啦。仍然喺呢个半社会嘅环境蹉跎岁月，我今年廿五啦……

眨眼之间又到年尾，好好彩再加上少少“老略”半瞒住上级地买咗星期三飞机，准备挨到初六先翻。砍头砍尾得果七八日时间。好过没啦，毕竟算半个做咗嘢嘅人了，唔好太多要求啦。明年暂时估计都唔会翻了，所以翻去一定要好好陪下屋企人，当然仲有就喺啊边个边个啦。

星期四值班，通宵开刀到六点，星期五又跟骨科跑去嘉善食年夜饭。场面没想象中咁混乱，不过就好唔好彩了。早早地中咗个“欢乐奖”领咗个3.2L嘅食物盒，要嚟做咩好呢？送都送唔出，头痛……搞到后边抽现金奖，差唔多阳光普照人人有份，我就得个睇。唉，从来都喺没横财运嘎啦。宿舍条友就中咗个特奖，1k cash。当然同公司嘅年尾团拜郁唔郁就几k上w，自然算小儿科，不过已经妒忌到夜晚同条友同房训时想谋佢财嘎啦。

最搞笑喺夜晚几个人出去食宵夜，叫个的士司机带我地去当地夜晚最热闹嘅地方，竟然带我地去咗个临屋围成嘅仓库样食市，果真大排档……叫上当都嚟唔切。唯有再上第部车啦。个司机话，“唔通前边条友当你地喺梅园酒店（当晚我地住嘅地方）打工落班嘅员工？”……大佬，几时见过咁多身光颈靓孔武有力嘅酒店员工啊？真喺受打击……

第二日一早起身，几个人开车去附近嘅西塘古镇。趁住未到8点d收钱嘅人未上班从边上嘅巷仔溜咗入去。自从阿汤哥拍过个mission impossible3之后门票竟然飙升到100rmb per person……食咗两碗好滑好嫩嘅豆腐花，食咗个所谓好出名嘅“天下第一面”，觉得实在没么意思。其实所谓江南6大古镇来来去去都喺生成咁嘅样，而且严重商业化，去到边都喺叫卖声，去得多觉得实在没么意思。以前仲会拿个相机狂拍，不过今次就出镜都没么兴致了。估计都喺要到夜晚或者一大早没么人嘅时候先会有少少感觉。所以一喺就唔去，一喺都喺住一晚会有意义d。

下咗好多次决心要good good study，day day up,睇下资料，等下次同老板坐埋一齐时唔好没话题，更加唔好俾老板问到口哑哑。不过课题实在太难入手了，一大堆分子生物学嘅嘢，又标记又marker，头都大。要研究嘅叫angiomatoid fibrouhistiocytoma,简称AFH，“血管瘤样纤维组织细胞瘤”。估计连大部分嘅网上词典都查唔到喺咩。而又因为有师兄已经写过呢个review，所以最高指示喺写份檫边嘅MFH--malignant fibrous histiocytoma，“恶性纤维组织细胞瘤”。要自己搵资料。唉，已经连文献检索本书都唔见咗了，么都唔记得晒，点办啊？仲同某人讲要努力学习，努力做嘢，努力揾钱添噶……

以前吵住要搬沪西就喺话没网络影响学习，之后自己联系拉网线都以此为自我安慰嘅借口，甚至追溯到半年前买嘅notebook。但老实讲，又有几多成啊……